Desembermøtet!

Då har klubben hatt sitt siste møte for dette året. Vi hadde ei koseleg økt med god mat, gløgg, god prat, vis og fortel og julegåvetrekking. Mange medlemmar som ikkje har kunne delteke så mykje i haust møtte fram. Det var veldig kjekt! Det var lukkekantsying og strikking i ein god miks!

Det blei også info om aktiviteten vi skal ha på møtet i januar. Kutteplan for løparen blir sendt ut på mail til alle som vil førebu seg på den, og bruke tida på møtet til sying.

Underteikna bloggar slit litt med innlegga. Grunnen til det er at eg har mista bilderedigeringsprogrammet, og då er det ikkje så motiverande å legge ut bilete. Men eg går ut frå at medlemmane set pris på innlegg uansett.

For dykk som er på Facebook: Eg prøver å legge ut litt inspirasjon kvar dag i adventstida (som ein kalender om du vil). Det hadde vore kjempekjekt om mange lagar nokre av tinga og legg ut på sida vår! Eg ser ikkje bort ifrå ein liten premie som kan trekkast når jula kjem, av dei som har lagt inn innlegg! Ver med då!

Her er altså ein miks av bilete frå kvelden vår.  Nederst finn du oppskrifta på islandsk krydderkake. Takk for den, Else Pernille!

Framleis god advent!

Mvh Elin.

ISLANDSK KRYDDERKAKE

3 dl havregryn
3 dl kveitemjøl
2,5 dl sukker
1 ss kakao
2 ts natron
2 ts malt kanel
1/2 ts malt nellik
1/2 ts malt ingefær
2,5 dl kulturmelk.
Slik gjer du:
Bland alt godt saman, gjerne natron i surmelk til slutt. ha i godt smurt (eller bakepapir) brødform. Steike på 180 grader, nederste rille, ca. 1 time. Godt smør og brunost er fint tilbehør!

Informasjon om desembermøtet og litt om 2020.

Vel møtt til advents/jule-møtet onsdag 4. desember. Håpar du kan kome, uansett om du har vore med på møta i haust eller ikkje. 
Vi har hatt ein aktiv haust på møta våre, slik at denne gongen tek du berre med din eigen aktivitet, ditt gode humør, ein pakke til ca. 100 kr (ikkje over). Flott om du har med inspirasjon til Vis og fortel!

Løparen på biletet har underteikna laga etter Timotei sitt mønster, August. Denne gongen er det skrappy julestoff.

 På januarmøtet vårt den 8. januar skal Inger ha denne løparen som aktivitet. Vi har avtale med Timotei (Rannveig Vangen) om kjøp av mønster. Klubben sponsar halvparten, så dei som vil lage løparen, betaler 30 kr til Inger denne kvelden. Løparen er nydeleg i blått, som Timotei sin original, men kan lagast i alle fargar sjølvsagt. Det er ikkje sikkert at alle treng symaskin, då det går litt tid til kutting og planlegging, men dette avgjer du sjølv. 

Årsmøtet blir onsdag 5. februar.

Det vert Vestlandstreff i Molde 9. til 11. oktober. Det hadde vore kjempekjekt om vi kunne reise ein gjeng frå klubben vår! Sjå lenkje her.

Storkurset i klubben vår i 2020 blir 13. til 15. november. Då kjem Andre Wallenborg! Meir info seinare, men set av helga i kalenderen!

Klubbmøte i november!

Første onsdagen i november hadde vi Ingunn på besøk. Ho er "still going strong", rett frå jobb på Primula. Vi hadde ein super kveld med masse god inspirasjon og god mat.

Ingunn sine modellar:

Marit sine prosjekt frå kurset med Mali. Gratulerer med ferdigstilte og nydelege produkt!

Handlenettet frå oktobermøtet har fått lomme også.

Så bra at Janne har fått fingeren i orden igjen, og kan sy og skjere i veg...

Bunadssølv-oppbevaring med vri: rund pose til sølvbeltet!

Kari sine ting:

Svanhild sin produksjon:

Annlaug sitt gamle panelstoff blir til handlenett!

Solveig sin produksjon:

Elin sin produksjon:

Kari kom langt på prepping av krans!

Denne fann eg på Anna sin plass...

Stor veskekurv og strikkepinnepung, Elin.

Koseleg bilete av to gode damer!

Ingunn si Andre Wallenberg-veske. 

Har du lyst å lage ei slik?

No er mannen bestilt!

Else jobbar trottig på Row by Row, imponerande!