Set av onsdag 7. juni! 

Då har Henny invitert oss heim til feriebustaden sin i Vågsvåg. Meir informasjon om avreise og opplegg kjem etterkvart. 

Velkommen til samling i klubben onsdag 12. april på GU!

Tema for kvelden: Vi syr bakedekke eller brikker.

Du kan sy i stichery, applikere for hand/symaskin eller sy det i ein valfri lappeteknikk. 

Om du har sydd bakedekke før eller har mønster som passar  til bakedekke, set vi pris på om du tek det med og deler med oss andre! 

Vi viser modellar og har med nokre mønster. 

Elles blir det vanleg opplegg med loddsal, mat og "Vis og fortel".  Kaffivertinner er Henny og Ingunn. 

Vel møtt alle saman! Blir kjekt å samlast igjen! 

mvh Marianne

                                              

                       Dette er Annlaug sitt bakedekke som ho har hatt med på "Vis og fortel! tidlegare. 

Her ser du bakedekke som Wenche brukar på kjøkkenet i God morgen Norge. 

 Ei utfordring frå Janne som klubben har sagt ja til!

Vi syr enkle toalettvesker og sender til Krisesenteret i Florø. Vi bestemte å sy kvar for oss! Frist for å levere til Janne er 15 mai! 

Kurskveld med @syoddny

Kurskveld med @syoddny var veldig kjekt! Stor takk for grundig og flott instruksjon  av "Jelly roll quilts" ved hjelp av eit kantebandsapparat (skråbandhaldar). 

Spennande å lære noko nytt! Ho hadde med seg nokre modellar, og dei ser du her! Håpar mange har kasta seg på teknikken,  og tek med seg det dei har laga til "Vis og fortel" 12. april!

  

 Denne runde duken kjem frå Fantasi. Trur det er Inger Øvrebø som har sydd denne!

Så nokre bilete frå "Vis og fortel"! Såå mykje flott!!

Solveig med flotte produkt, produktiv som alltid! 

 

Sommarfuglteppet til Marit! Nydeleg!

 

Anna syr alltid noko som ho kan ta med og vise på "Vis og fortel! Imponerande! 

 Torill kosar seg med handsaum. Flott julestjerne!

 

Annlaug syr tøffe toalettvesker! Så hadde ho teke med seg ei korg som var sydd saman av tynne snorer! Ho hadde kjøpt denne, men det er same teknikk som Synnøve viste oss. 

 

Janne ligg heller ikkje på latsida, her har ho sydd Ipadhaldar og ei tøff toalettveske. 

  

                  Nydeleg løpar som Anne sydde på kurs på Trapp Ned. 

Svanhild har sydd enkle og flotte vårbrikker.                Her ser vi @syoddny med                                                                                                                         ein lekker løpar!

 

Flott rund brikke som Marie har sydd og enkle bordbrikker. Kanskje ein klubbaktivitet? 

           Ho viste og ein løpar i nydelege blåfargar. 

Eit lite tips når du skal sy stoffremser på onsdag: 

Lurt å bruke stoffklyper! Men det går med nåler og! 😊

Har du ikkje slike klyper? Ikkje noko problem! Marie har med stoffklyper frå FANTASI,  som du kan få kjøpe. 

 Velkommen til klubbsamling onsdag 1. mars kl. 18.00 på GU

Synnøve Oddny Torheim (@syoddny) vil vise oss ein teknikk der vi syr korger, brikker, matter eller vesker av remser ved hjelp av ein skråbandhaldar. Dei som var på juleavslutninga på Fantasi,  hugsar sikkert den flotte veska ho har laga i denne teknikken. Her ser de og eit bilete av korga som Inger har laga i same teknikk.

Marie tek med skråbandhaldarar som du kan få kjøpe. Den kostar kr. 139. 

Ho tek og med vatt til å ha inni stoffremsene. Det er ein spesialvatt til bruk i for denne teknikken, men har du platevatt kan du gjerne bruke det. 

Du tek med stoff og tråd som passar til det du vil sy og evt. platevatt (bordvatt). Kanskje ei lite korg til påskegodtet? 😊 Om du ikkje vil ta med di eiga symaskin, kan du få låne på GU. 

Elles blir det vanleg innhald med "Vis og fortel" , mat/kaffi og loddsal.

Om du ikkje ynskjer å sy noko av dette, håpar vi du kjem likevel!😊

Så vel møtt quiltedamer til ein kjekke  og inspirerande kveld! 

 Nokre bilete frå "Vis og fortel" på årsmøtet onsdag 25.01.

                                                        Nydeleg teppe laga av Else!

                                                      Desse tre flotte posane er laga av Inger G.

                                                      Annlaug har sydd ein lekker vinterløpar!

   

Og underteikna får aldri nok av å sy skinnvesker!