Søstre For Søstre

For de som ynskjer å sende pengar til utstyr i toalettveskene, så er kontonr. 125 462 388 98. 

Vippsnr. : 135690

Toalettmapper "Søstre For Søstre" til krisesenter rundt om i landet. 

På samlinga i går informerte Janne om at Desiree`lappeteknikk som organiserer utsendingar av toalettmapper har gått tom for mapper. 

Janne utfordrar medlemmene i  klubben til å sy ein eller fleire mapper og levere til ho, så vidaresender ho til Desiree. Håpar vi blir mange som syr!! Storleik på mappene: 30x25 cm

Desiree kjøper inn det som skal ned i mappa, og det koster 250 kr. pr. mappe. Denne kontoen står pr. 4. januar på 600 kr. Her kan alle som vil bidra! Vippsnr. 135690

Her er link til facebookgruppa:   https://www.facebook.com/groups/825925790855382/

 Første samling i 2024, 10. januar

Vi var heile 17 medlemmer som møtte denne første samlinga i 2024! Kjempestart! 👏😁

Tema var UFO eller pågåande og nye prosjekt! God aktivitet og god "søje!"

Takk til kaffivertinnene, Elin og Else!👏

Liv Ingunn Holvik, som skal halde veskekurs, var innom og ga god informasjon om kurset ho skal ha for oss den 17. og 24. januar. Vi gledar oss!

Til inspirasjon........... frå Vis og fortel! 

                                       

                                                    Toalettvesker til "Søstre for søstre"

Toalettvesker til "Søstre for søstre"

Kanskje ein juleaktivitet? 

Denne flotte veska har Liv Ingunn laga,  og det er den vi skal sy på kurset!

Dette etuiet til sakser kan bli ein kjekke aktivitet på ei klubbsamling. Annlaug sin modell!

Kva skjer etter jul?

10. januar vert det samling på GU, som vanleg kl. 18.00 Tema er UFO! Vi tek med alle uferdige prosjekt  og syr i lag!

Så blir det veskekurs med Liv Ingunn Holvik den 17. og 24. januar. (meir informasjon finn du på innlegget nedanfor)

Årsmøte blir onsdag 7. februar kl. 18.00 på GU. Innkalling og sakliste kjem etter jul. 

 Juleavslutning på Ravnestad 6.12.23 og kurs i januar 

13 klubbdamer hadde ei fin årsavslutning på Ravnestad med Grethe som vertskap. Ei stor takk til Grethe for at du tok imot oss!  👏👏

På samlinga orienterte Marie om veskekurset som Andre Wallenborg skal ha på Eid 27.-28.januar. Der er nokre ledige plassar, så ver rask om du ynskjer å vere med. Meld på til Marie, så vidareformidlar ho. Meir informasjon om veskene, får du og av Marie. 

Liv Ingunn Holvik skal ha veskekurs for klubbmedlemmer 17.01.og 24.01.24. Begge dagar frå 17.00-22.00. 

Kurset kostar kr. 500,-  Materiale og stoff kjem utanom. Påmelding innan 20.12. til Marie tlf. 95798355.

Her ser du bilete av dei flotte veskene! Meir informasjon om kurset kjem etter at påmeldingsfristen er ute. 

Flotte bilete frå samlinga kjem her! Underteikna hadde ikkje høve til å vere der, så Marie var fotograf denne gongen! Tusen takk til deg!👏👏 

Ei riktig god jul til dei kreative medlemmene i klubben vår! Håpar de har hatt det like kjekt som meg på samlingane våre i år! Eg gledar meg allereie til ny treff i 2024, eg!😄

              

       Grethe hadde laga det veldig koseleg til for oss!

                 

Juleavslutning på Ravnestad onsdag 6. desember 

Alle er velkomne til juleavslutning på småbruket til Grethe Ravnestad onsdag 6. desember kl. 18.00.

Her skal vi kose oss med kaffi og kaker, handsaum av julehjarter og sjølvsagt "Vis og fortel".

Ta med litt julestoff eller filt i storleik 10x10/15x15, nål og sytråd. 

Vi tek med malar til hjarte, fyllvatt og hyssing til oppheng. (Du kan sjølvsagt bruke andre oppheng). 

Tradisjonen tru, så må alle ta med seg ei liten førjulspakke, der innhaldet skal handle om den kjekke og kreative hobbien vi har (til ca. 100 kr. ).

Her er bilete til inspirasjon: 

 

 

og sjå denne linken  på instagram:  julehjarte 

Vi oppfordrar til å køyre fleire ilag! Avtal med kvarandre! 

Køyr mot Sande, ta av til Rauset, skilt som viser Rauset) 

Køyr til vegen deler seg, ta til venstre og deretter første innkøyrsle til høgre. 

Køyr til du ser lysande faklar. Då er du framme!

Håpar mange har lyst og høve til å vere med!

Juleavslutning 
Avslutninga blir hos Grethe Ravnestad, på småbruket hennar på Rygg, onsdag 6. des. 
Tradisjonen tru, så må alle ta med seg ei liten førjulspakke, der innhaldet skal handle om den kjekke og kreative hobbien vi har (til ca. 100 kr. ).
Eg kjem tilbake med meir informasjon i slutten av november.