Informasjon frå styret
Det var eit svært godt resultat på loddsalet på Sandanedagane. Totalt fekk ein inn ca. 13000 til krisesenteret i Florø!
Vi skal halde fram med veldedighet framover, i og med at vi skal sy teppe til Tepper som varmer-aksjonen før jul. Det er sjølvsagt frivillig, men det er å håpe at mange vil delta. Teppa må vere minimum 120x120 cm, men dei kan gjerne vere rektangulære. Sjukehuset i Ålesund melder at dei spesielt ønskjer teppe til gutar. Dei godtek fleece på baksida (ikkje alle sjukehus vil ha det).
Tysdag 2. okt. er vi inviterte til Nordfjord Lappe- og Quilteklubb på Stokkenes gard på Eid. Tema for kvelden er katedralvindu. Dei som har laga slike blokker må ta med seg og syne fram. Dei skal ha kurs seinare med Mona Bauge i oldemorsruter. Dei som har laga slike i klubben vår, må gjerne ta med og vise fram.
Styret kjem attende til møtestad og tidspunkt.
Vidare fekk vi vite om desembermøtet 5. desember, der vi skal markere 20års-jubileet på Gloppebua.
Det blir bestilt inn mat frå Kleppeneset, og ein del av det blir sponsa til medlemmane.
Klubbmøtet 5. september
Det var ikkje så mange frammøtte denne kvelden. Det var godt ver og første dagen av musikkfesten, så det kan vel vere litt av forklaringa på det.
Her er eit lite glimt frå vis og fortel og syaktivitetar rundt borda.
Ingen kommentarer:
Legg inn en kommentar