God stemning og kjekk aktivitet på marsmøtet! Det er berre så flott kor vi klarer å inspirere kvarandre, både yngre og eldre medlemmar.
Her er bilete frå Vis og fortel. Reknar med mange Høne Pøne-gryteklutar blir viste fram på april-møtet.
God tradisjonsmat med mellom anna svele med pudding og kanelbollar blei servert. Takk til matvertane!
INFO: Sylaurdag 14. mars frå kl. 10 (sikkert) og 21. mars, (om det er interesse). Meld gjerne frå til underteikna.
Først litt inspirasjon frå Fantasi.
Dei har fått inn mykje nytt både av stoff og mønster. Tenk kor heldige vi er med den flotte butikken og dei gode medlemsrabattane! Her må vi for alvor kjenne vår besøkelsestid og handle alt vi treng av utstyr til hobbyen vår!
VIS OG FORTEL
Henny hadde med fleire fine ting!
Laila har sydd moderne krabbeteppe og tilhøyrande posar/vesker.
Kjempefint!
Henny har sydd seg ny flott veske, med både stoff, inspirasjon og mønster frå Fantasi!
Marie sine nydelege kuvertbrikker og fine pung frå MyQuilt..
Marie sitt varemerke, alltid innlegg i botnen!
Janne sin nye flotte løpar etter mønster frå Anne Beier Finnestad. Løparen har asymmetrisk mønster i kvar ende, skal prøve å finne att eit anna bilete seinare.
Her er bildegalleriet til Anne, og
her er link til nettbutikk og heimeside.
Anna både over og under her... Den dama har alltid noko nytt å vise fram.
Ofte er det ting til vesle Anna!
Bonnie Hunter sitt mysterium anno 2019, Frolic. Dette var eit ekstra lekkert teppe! Sjølv ein veteran som Kari lærte nye triks gjennom dette prosjektet.
Solveig med nye fine produkt.
Annlaug sin 3. eller 4. løpar August, frå klubbaktivitet sist haust.
Ekstra lekker, var vi samde om...
Inger over og under! Løpar frå Malli sitt kurs over, og under eit fantastisk teppe, som truleg har vore i arbeid ei tid.
Sol har rydda i "tølene" sine, og funne ein spennande blonde, som ho har overført til ei gardinkappe!
Eitt av Grethe sine mange resteprosjekt. Nydeleg veggteppe med blokk-mønster frå Quiltemagasinet.
Litt hulter til bulter-bilete. Sorry...
