Juleavslutning på Ravnestad onsdag 6. desember 

Alle er velkomne til juleavslutning på småbruket til Grethe Ravnestad onsdag 6. desember kl. 18.00.

Her skal vi kose oss med kaffi og kaker, handsaum av julehjarter og sjølvsagt "Vis og fortel".

Ta med litt julestoff eller filt i storleik 10x10/15x15, nål og sytråd. 

Vi tek med malar til hjarte, fyllvatt og hyssing til oppheng. (Du kan sjølvsagt bruke andre oppheng). 

Tradisjonen tru, så må alle ta med seg ei liten førjulspakke, der innhaldet skal handle om den kjekke og kreative hobbien vi har (til ca. 100 kr. ).

Her er bilete til inspirasjon: 

 

 

og sjå denne linken  på instagram:  julehjarte 

Vi oppfordrar til å køyre fleire ilag! Avtal med kvarandre! 

Køyr mot Sande, ta av til Rauset, skilt som viser Rauset) 

Køyr til vegen deler seg, ta til venstre og deretter første innkøyrsle til høgre. 

Køyr til du ser lysande faklar. Då er du framme!

Håpar mange har lyst og høve til å vere med!

Juleavslutning 
Avslutninga blir hos Grethe Ravnestad, på småbruket hennar på Rygg, onsdag 6. des. 
Tradisjonen tru, så må alle ta med seg ei liten førjulspakke, der innhaldet skal handle om den kjekke og kreative hobbien vi har (til ca. 100 kr. ).
Eg kjem tilbake med meir informasjon i slutten av november. 

Klubbsamling onsdag 1. november

Heile 19 quiltedamer hadde møtt opp denne kvelden! Trur det må vere rekord!! 

Tema for kvelden var handlenett og strikkepinnemappe. Stor aktivitet og god stemning!

Vi markerte også at to av damene våre, Anna og Annlaug har runda høge tal. Anna med sine 90 år og Annlaug med sine 81! Ja, kven kunne tru det! Og her hadde nok leiaren i klubben rota fælt, for ho trudde det var i år ho blei 80, ja eigentleg trudde ho det var 70 år ho blei!😀😀😀

Begge damene har vore med sidan klubben formelt starta opp i april 1998. Anna var nestleiar i dette første styret saman med Sol, Marie og Kari Standnes, som då var leiar. 

Annlaug kom inn i styret i 2011 som kursansvarleg. Så var ho ute av styret litt, og tilbake ein periode frå 2020. 

Desse to damene har møtt trufast opp på klubbkveldane, og begge to har hatt kurs for oss andre. Dei har vore positive pådrivarar for klubben, og har inspirert oss andre med alt dei har sydd og laga opp gjennom desse åra. Dei har nesten alltid med noko til "Vis og fortel!" 

Vi er imponert!

    

Så utruleg mykje flott som blei vist på "Vis og fortel". Sjå berre her: