Vil du vere med til Vågsvåg og har gløymt å melde deg på! Du rekk det,  for påmeldingsfristen er i morgon 1. juni!😀 Send SMS til 95180259 eller ring meg!

 Tur til Vågsvåg 

Henny har invitert oss til feriehuset sitt i Vågsvåg, onsdag 7. juni! Det set vi stor pris på, og gledar oss veldig til å besøke ho og dette flotte kystlandskapet. 

Det vert avreise frå Firda Bilag kl. 15.25, presis. Ferja går 15.40. Retur frå Vågsvåg 21.30.

Omvisning i Vågsberget kl. 17.30. Vågsberget er ein av dei mest intakte handelstadane på Vestlandet  frå 1800 talet. Omvisninga kostar 90  kr. per. person. Her ser du bilete av staden. 

Ta med ting du har laga, for vi skal sjølvsagt ha "Vis og fortel".  

Det blir servert suppe og kaffi! 

Før kaffien er det høve til å ta seg ein køyretur til Kannesteinen i Oppedal, eller du kan vere med på ein rusletur, der du ser ut mot det opne havet. 

Påmelding innan 1. juni til Marianne 95180259 

Meld og frå om du sjølv kan køyre og om du har stor eller liten bil  (god plass til 4 eller 5 personar). Eg set så opp ei liste over kven som sit på med kven. 

De gjer opp innbyrdes til sjåføren. Blir 125 kr. i skyssutgifter pr. person, inkl ferja. 

Då håpar vi mange har lyst til å vere med og avslutte quiltesesongen ute ved havet! Så hiv deg rundt og meld deg på! 😀

Klubben på Eid har invitert oss til å vere med på medlemsmøtet deira 2. mai! Kjekt!!!

Hallo! Gloppetausene er hjarteleg velkomne til det utvida medlemsmøtet vårt på Stokkenes Gjestegard tysdag 2. mai kl 18.30!

Der vert det trekning av lotteriet vårt til inntekt for Ukraina, åresal og gratis kaffi med noko å bite i. Vis og fortel vert det og. Velkomne!

Mvh

Torunn Føllesdal Utnes

NLQ

Nokon som har lyst å vere med? Gje meg ei tilbakemelding (Marianne 95180259) innan søndag 30.april,  slik at eg får melde frå kor mange vi blir! 

Kjekk samling i klubben onsdag 12. april!

Vi hadde stichery som tema,  og mange starta med å brodere på bakedekke. 

Her ser du bileta frå "Vis og fortel!" Berre sååååååå mykje flott! 👏

........og her ser du nokre fine mønster til inspirasjon for sticheryarbeid!

Set av onsdag 7. juni! 

Då har Henny invitert oss heim til feriebustaden sin i Vågsvåg. Meir informasjon om avreise og opplegg kjem etterkvart. 

Velkommen til samling i klubben onsdag 12. april på GU!

Tema for kvelden: Vi syr bakedekke eller brikker.

Du kan sy i stichery, applikere for hand/symaskin eller sy det i ein valfri lappeteknikk. 

Om du har sydd bakedekke før eller har mønster som passar  til bakedekke, set vi pris på om du tek det med og deler med oss andre! 

Vi viser modellar og har med nokre mønster. 

Elles blir det vanleg opplegg med loddsal, mat og "Vis og fortel".  Kaffivertinner er Henny og Ingunn. 

Vel møtt alle saman! Blir kjekt å samlast igjen! 

mvh Marianne

                                              

                       Dette er Annlaug sitt bakedekke som ho har hatt med på "Vis og fortel! tidlegare. 

Her ser du bakedekke som Wenche brukar på kjøkkenet i God morgen Norge. 

 Ei utfordring frå Janne som klubben har sagt ja til!

Vi syr enkle toalettvesker og sender til Krisesenteret i Florø. Vi bestemte å sy kvar for oss! Frist for å levere til Janne er 15 mai! 

Kurskveld med @syoddny

Kurskveld med @syoddny var veldig kjekt! Stor takk for grundig og flott instruksjon  av "Jelly roll quilts" ved hjelp av eit kantebandsapparat (skråbandhaldar). 

Spennande å lære noko nytt! Ho hadde med seg nokre modellar, og dei ser du her! Håpar mange har kasta seg på teknikken,  og tek med seg det dei har laga til "Vis og fortel" 12. april!

  

 Denne runde duken kjem frå Fantasi. Trur det er Inger Øvrebø som har sydd denne!

Så nokre bilete frå "Vis og fortel"! Såå mykje flott!!

Solveig med flotte produkt, produktiv som alltid! 

 

Sommarfuglteppet til Marit! Nydeleg!

 

Anna syr alltid noko som ho kan ta med og vise på "Vis og fortel! Imponerande! 

 Torill kosar seg med handsaum. Flott julestjerne!

 

Annlaug syr tøffe toalettvesker! Så hadde ho teke med seg ei korg som var sydd saman av tynne snorer! Ho hadde kjøpt denne, men det er same teknikk som Synnøve viste oss. 

 

Janne ligg heller ikkje på latsida, her har ho sydd Ipadhaldar og ei tøff toalettveske. 

  

                  Nydeleg løpar som Anne sydde på kurs på Trapp Ned. 

Svanhild har sydd enkle og flotte vårbrikker.                Her ser vi @syoddny med                                                                                                                         ein lekker løpar!

 

Flott rund brikke som Marie har sydd og enkle bordbrikker. Kanskje ein klubbaktivitet? 

           Ho viste og ein løpar i nydelege blåfargar.